Ադրբեջանն 47 տոկոսով ավելացրել է ավտոմեքենաների ներկրման ծախսերը

Ընթացիկ տարվա հունվար-ապրիլին Ադրբեջան է ներմուծվել՝ տարբեր նշանակության, 199,3 մլն դոլար արժողությամբ 29855 ավտոմեքենա։

Ինչպես հաղորդում է Caliber.Az-ը՝ վկայակոչելով Մաքսային պետական կոմիտեին, դա 47,4%-ով և 27,8%-ով ավելի է նախորդ տարվա նույն ժամանակահատվածի համեմատ։

4 ամիսների ընթացքում 10 և ավելի անձանց, այդ թվում վարորդի, փոխադրման համար նախատեսված տրանսպորտային միջոցների ներմուծումը նվազել է 4,3 անգամ և կազմել 55 միավոր (3,772 մլն դոլար), իսկ հիմնականում մարդկանց տեղափոխելու համար նախատեսված մարդատար ավտոմեքենաների և այլ տրանսպորտային միջոցների ներմուծումը աճել է 27,9%-ով և կազմել 27589 միավոր (382,169 մլն դոլար)։

Բացի այդ, 42,8%-ով աճել է ապրանքների փոխադրման համար նախատեսված շարժիչային տրանսպորտային միջոցների ներմուծումը` կազմելով 2061 միավոր (30,375 մլն դոլար), իսկ հատուկ նշանակության շարժիչային տրանսպորտային միջոցների ներմուծումն աճել է 48,5%-ով և կազմել 150 միավոր (16,83 մլն դոլար):