Փարվիզ Շահբազով. Ադրբեջանական գազ գնող երկրների թիվը կարող է գերազանցել 10-ը

Երկրների թիվը, ուր ադրբեջանական բնական գազ է արտահանվում, կարող է գերազանցել 10-ը։

Այս մասին Բաքվի էներգետիկ ֆորումում հայտարարել է էներգետիկայի նախարար Փարվիզ Շահբազովը, հայտնում է Caliber.Az-ը։

«Այս տարվա ֆորումը համընկավ նոր գլոբալ էներգետիկ լանդշաֆտի ձևավորման հետ, որը հիմնված է էներգիայի անվտանգ, հուսալի աղբյուրների և ուղիների դիվերսիֆիկացման վրա, մասնավորապես՝ «կանաչ էներգիայի» զարգացման: Ակնկալվում է, որ այս տարի Ադրբեջանը կարտահանի ավելի քան 24 միլիարդ խորանարդ մետր գազ։ Դրանցից մոտ կեսը կմատակարարվի Եվրոպա: Ներկայումս ադրբեջանական գազը փոխադրվում է 6 երկիր։ «Հարավային գազային միջանցքի» ընդլայնմամբ և «Համերաշխության օղակ» նախագծի գործարկմամբ ադրբեջանական գազը գնող երկրների թիվը կարող է գերազանցել 10-ը»,- ասել է նա։