Ադրբեջանը և Ռումինիան քննարկել են էներգետիկ ոլորտում համագործակցության ընդլայնումը

Ադրբեջանն ու Ռումինիան քննարկել են տնտեսության տարբեր ոլորտներում, այդ թվում՝ էներգետիկայի ոլորտում համագործակցության ընդլայնումը։

Ինչպես հայտնում է Сaliber.Az-ը, քննարկումները տեղի են ունեցել՝ տնտեսության նախարար Միքայիլ Ջաբբարովի և Ռումինիայի էներգետիկայի նախարար Վիրջիլ-Դանիել Պոպեսկուի հանդիպման ժամանակ։

Տնտեսության նախարարն ընդգծել է, որ Ռումինիայի հետ հարաբերությունները հաջողությամբ զարգանում են, և համագործակցության ընդլայնման համար կարևորել է փոխայցելություններն ու անցկացված հանդիպումները։ Նշվել է, որ ադրբեջանա-ռումինական առևտրատնտեսական գործընկերությունն ընդլայնվում է, աճում է առևտրաշրջանառությունը։ Միաժամանակ երկու երկրների միջև կան մեծ հնարավորություններ զարգացնելու համագործակցությունը՝ էներգետիկայի, տրանսպորտի և տարանցման, արդյունաբերական և այլ ոլորտներում։ Նախարարը նշել է երկու երկրների գործարար սուբյեկտների փոխշահավետ համագործակցությունը, SOCAR-ի արդյունավետ գործունեությունը Ռումինիայում։

Վ.Պոպեսկուն ասել է, որ նրա երկիրը մեծ նշանակություն է տալիս Ադրբեջանի հետ համագործակցությունը, կիսվել է համատեղ տնտեսական նախագծերի իրականացման հեռանկարների վերաբերյալ իր կարծիքով։