Գորդոն Բիրել. BP-ն ակնկալում է Ադրբեջանում գազի լրացուցիչ պաշարների հայտնաբերում

BP-ն ակնկալում է Ադրբեջանում գազի լրացուցիչ զգալի պաշարների հայտնաբերում։

Այս մասին հայտարարել է BP-ի արդյունահանման և շահագործման գծով գործադիր փոխնախագահ Գորդոն Բիրելը՝ Բաքվի էներգետիկ ֆորումի առաջին օրվա ելույթի ժամանակ, որն այսօր սկսել է իր աշխատանքը, հայտնում է Сaliber.Az-ը։

Նրա խոսքով, ներկայումս Կասպից ծովի ադրբեջանական հատվածում գտնվող նավթագազային հանքավայրերի՝ «Ազերի-Չըրագ-Գյունեշլի» բլոկում գազի պաշարների խորը շերտերի գնահատում է անցկացվում:

Բիրելը հավելել է, որ ուսումնասիրվում է «Շահ Դենիզ» գազակոնդենսատային հանքավայրից գազի արդյունահանման ավելացման հնարավորությունը, և այստեղ նոր հետախուզական հոր է հորատվում. «Այս աշխատանքների արդյունքում կհայտնաբերվեն գազի մեծ պաշարներ։ Արդյունքում հույս ունենք, որ Եվրոպա տեղափոխվող գազի ծավալները կավելանան»։