Թուրք պատգամավոր. Զանգեզուրի միջանցքի վերաբերյալ մեր առաջարկն ընդունվել է ՆԱՏՕ-ի ԽՎ-ում

Տարածաշրջան  29 Սեպտեմբերի 2023 - 10:21

Մադրիդում ՆԱՏՕ-ի Խորհրդարանական վեհաժողովի (ԽՎ) 68-րդ նստաշրջանում ներկայացված առաջարկը, ներառյալ Զանգեզուրի միջանցքի թեման, ընդունվել է։

Ինչպես հաղորդում է Caliber.Az-ը՝ Bengütürk հեռուստաալիքին հղումով, այս մասին հայտարարել է՝ Թուրքիայի Ազգային մեծ ժողովի պատգամավոր, ՆԱՏՕ-ի Խորհրդարանական վեհաժողովի (ԽՎ) տնտեսության և անվտանգության հանձնաժողովի անդամ, Ազգայնական շարժման կուսակցության փոխնախագահ, պրոֆեսոր Մևլութ Քարակայան:

Նա ընդգծել է, որ «Մեկ գոտի, մեկ ճանապարհ» և «Զանգեզուրի միջանցք» նախաձեռնությունները ներկայումս հանդիսանում են ամենաարդիական հարցերը։

«Առաջարկության մեջ մենք ընդգծել ենք այն դերը, որը Ադրբեջանը կխաղա՝ եվրատլանտյան տարածաշրջանի էներգամատակարարման և Զանգեզուրի միջանցքի ներդրումը ՆԱՏՕ-ի դաշնակիցների էներգետիկ անվտանգության մեջ։ Այն ընդունվել է։ Զանգեզուրի միջանցքը մեծ նշանակություն ունի տարածաշրջանային անվտանգության, համագործակցության և տնտեսական առաջընթացի տեսանկյունից»,- ասել է Մ.Քարաքայան։

Caliber.Az

Դիտումներ: 71