2026 թվականին առաջին գնացքը Չինաստանից ուղևորվել է Ադրբեջան Միջին միջանցքով / ԼՈՒՍԱՆԿԱՐ

Չինաստանի էներգետիկ ինժեներական խմբին պատկանող ֆոտոէլեկտրիկական մոդուլներով լի 45 կոնտեյներ փոխադրող բեռնատար գնացքը մեկնել է Սիանից՝ Չինաստան-Եվրոպա երթուղով։

AZERTAC-ի փոխանցմամբ՝ սա առաջին գնացքն է, որը 2026 թվականին Չինաստանից մեկնել է Տրանսկասպյան միջազգային տրանսպորտային երթուղով կամ Միջին միջանցքով։ Հունվարի 1-ին մեկնած գնացքը կանցնի Խորգոսի սահմանային անցակետով դեպի Ղազախստան և Կասպից ծովով կհասնի Բաքու։

Ֆոտոէլեկտրիկական մոդուլների Բաքու արագ մատակարարումը հնարավոր է դարձել Տրանսկասպյան միջազգային տրանսպորտային միջանցքի շինարարությանը Սիանի ակտիվ մասնակցության, ինչպես նաև միջանցքի գործընկերների հետ համատեղ ձեռնարկված հետևողական միջոցառումների շնորհիվ՝ ծախսերը կրճատելու և արդյունավետությունը բարձրացնելու համար։

Չինաստան-Եվրոպա (Սիան) Տրանսկասպյան բեռնատար գնացքների գիծը շահագործման է հանձնվել 2019 թվականի հոկտեմբերին, և 2025 թվականի նոյեմբերի վերջին այս երթուղով ուղևորվել է ընդհանուր առմամբ 466 գնացք։