Բաքվում անցկացվում է ադրբեջանա-բրիտանական միջկառավարական հանձնաժողովի վեցերորդ նիստը

Բաքվում մեկնարկել է՝ Ադրբեջանի կառավարության և Մեծ Բրիտանիայի և Հյուսիսային Իռլանդիայի Միացյալ Թագավորության կառավարության միջև տնտեսական համագործակցության համատեղ հանձնաժողովի 6-րդ նիստը։

Ինչպես հաղորդում է Caliber.Az-ը, հանդիպմանը նախատեսվում է քննարկել երկու երկրների համագործակցությունը՝ գործարար ոլորտում, էներգետիկ անցման, առողջապահության, ենթակառուցվածքների, տեղեկատվական և հեռահաղորդակցության տեխնոլոգիաների, կիբերանվտանգության, թվային տնտեսության և այլ ոլորտներում։

Նշենք, որ հանձնաժողովի համանախագահներն են՝ Ադրբեջանի էներգետիկայի նախարար Փարվիզ Շահբազովը և Մեծ Բրիտանիայի արտահանման հարցերով պետնախարար լորդ Մալքոլմ Օֆֆորդը։