Ադրբեջանի արժութային հոսքերը. 2023-ի տեղաշարժերը և միտումները

2023 թվականին Ադրբեջանի արտարժույթի շուկայում 33,3 միլիարդ դոլարի գործառնություններ են իրականացվել։

Ինչպես հաղորդում է Caliber.Az-ը՝ հղում անելով Ադրբեջանի Կենտրոնական բանկի «Դրամավարկային քաղաքականության տեսլականին», դա 9,5%-ով պակաս է 2022-ի ցուցանիշից:

Անկանխիկ վճարումների շուկայում իրականացվել են 29,5 մլրդ ԱՄՆ դոլարի գործարքներ, իսկ կանխիկ վճարումների գծով` 3,8 մլրդ ԱՄՆ դոլարի գործարք, ինչը համապատասխանաբար 6,9%-ով և 25,5%-ով պակաս է մեկ տարի առաջվա ցուցանիշից։

Արտարժույթի անկանխիկ գործարքների 79%-ն իրականացվել է ԱՄՆ դոլարով, իսկ 21%-ը՝ այլ արժույթներով։ Կանխիկ արտարժույթով գործարքների կառուցվածքում 83.9%-ը կատարվել է ԱՄՆ դոլարով, 16.1%-ը՝ այլ արժույթներով։