Ադրբեջանում նվազեցվել է ակցիզային հարկը և վերացվել ներկրվող բենզինի տուրքը

Ադրբեջան ներկրվող բենզինի ակցիզային հարկը նվազեցվել է մինչև մեկ մանաթ, իսկ մաքսատուրքը վերացվել է։

Ըստ Armenia.Az-ի՝ Նախարարների կաբինետը հաստատել է՝ «Արտաքին տնտեսական գործունեության ապրանքային անվանացանկում, ներմուծման մաքսատուրքերի դրույքաչափերում և արտահանման մաքսատուրքերի դրույքաչափերում» փոփոխությունները։

Փաստաթղթի համաձայն՝ մարտի 1-ից երկիր ներկրվող բենզինը ազատվում է մաքսատուրքից։

Բացի այդ, նախարարների կաբինետը փոխել է ակցիզային հարկի դրույքաչափերը՝ երկիր ներմուծվող ակցիզային ապրանքների համար։

Մասնավորապես, մինչև այս տարեվերջ ավտոմոբիլային բենզինի յուրաքանչյուր տոննա ակցիզը, բացառությամբ ավիացիոն բենզինի, 200-ից իջեցվել է մեկ մանաթի, յուրաքանչյուր տոննա գազոյլի ակցիզային հարկը հատուկ վերամշակման գործընթացների համար և գազոյլի քիմիական փոխակերպման ռեակցիաների համար սահմանվել է 80 մանաթ։ Մյուս գազայլերի ակցիզային հարկը իջեցվել է մինչև մեկ մանաթ։