Ադրբեջանը և ԵՄ-ն քննարկել են Միջին միջանցքի վերաբերյալ համագործակցության զարգացումը

Ադրբեջանի թվային զարգացման և տրանսպորտի նախարար Ռաշադ Նաբիևը՝ Կենտրոնական Ասիայի հարցերով Եվրամիության (ԵՄ) հատուկ ներկայացուցիչ Տերի Հակալայի հետ քննարկել է Միջին միջանցքի վերաբերյալ համագործակցության զարգացումը։

Caliber.Az-ի փոխանցմամբ՝ այս մասին նախարարը գրել է X սոցիալական ցանցի իր էջում։

«Մենք հանդիպեցինք՝ այցով մեր երկրում գտնվող, Կենտրոնական Ասիայի հարցերով ԵՄ հատուկ ներկայացուցիչ Տերի Հակալայի հետ, և քննարկեցինք փոխգործակցության զարգացումը տրանսպորտի ոլորտում, այդ թվում՝ ավիացիայի և Միջին միջանցքի ուղղությամբ»,- նշել է նախարարը։