Մոսկվայում կբացվի Ադրբեջանի զբոսաշրջության բյուրոյի ներկայացուցչությունը

Մոսկվայում հանդիպում է տեղի ունեցել ՌԴ տնտեսական զարգացման նախարար Մաքսիմ Ռեշետնիկովի և Ադրբեջանի Զբոսաշրջության պետական գործակալության նախագահ Ֆուադ Նաղիևի միջև:

Այս մասին հայտնում է AZERTAC-ը՝ հղում անելով ՌԴ տնտեսական զարգացման նախարարության մամուլի ծառայության հաղորդագրությանը։

Հանդիպման մասնակիցները քննարկել են նաև Մոսկվայում Ադրբեջանի Զբոսաշրջության բյուրոյի ներկայացուցչության պաշտոնական բացման ժամկետը։ Ադրբեջանական պատվիրակությունը ներկայացրել է զբոսաշրջության բյուրոյի նախագծի հնարավորություններն ու ֆունկցիոնալությունը։

«Մոսկվայի հենց կենտրոնում Ադրբեջանի Զբոսաշրջության բյուրոյի ներկայացուցչության բացումը թույլ կտա մեր երկրներին էլ ավելի սերտ և ինտենսիվ փոխգործակցություն հաստատել»,- նշել է Ֆուադ Նաղիևը։ «Մեր երկրները բազմաթիվ համատեղ ծրագրեր ու նախագծեր ունեն զբոսաշրջության զարգացման համար, և մենք ուրախ ենք, որ այս ինտենսիվ աշխատանքը տարեցտարի թափ է հավաքում»։