Էրդողանը հաստատել է Ադրբեջանի և Թուրքիայի միջև առևտրային համաձայնագրում փոփոխությունները

Թուրքիայի նախագահ Ռեջեփ Թայիբ Էրդողանը հաստատել է՝ Ադրբեջանի Հանրապետության կառավարության և Թուրքիայի Հանրապետության կառավարության միջև արտոնյալ առևտրի համաձայնագրում փոփոխություններ կատարելու մասին արձանագրությունը։

Ինչպես հաղորդում է Сaliber.Az-ը, համապատասխան որոշումը ստորագրել է Թուրքիայի ղեկավարը։

Նշենք, որ այս փաստաթուղթը ստորագրվել է անցյալ տարվա ապրիլի 29-ին։ Նույն թվականի հուլիսին Ադրբեջանի նախագահ Իլհամ Ալիևը հաստատել է փաստաթղթը։ Այս տարվա մայիսին հայտարարվել են՝ նորացված արտոնյալ առևտրի համաձայնագրում ներառված ապրանքների անվանումները։