Ադրբեջանում նվազում է արդյունաբերական արտադրությունը

2024 թվականի հունվար-հունիսին Ադրբեջանի արդյունաբերական ձեռնարկությունները և այս ոլորտում աշխատող անհատ ձեռներեցներն արտադրել են 31,5 մլրդ մանաթի արդյունաբերական արտադրանք, ինչը 9,2%-ով պակաս է նախորդ տարվա համապատասխան ժամանակահատվածի համեմատ։

Այս մասին հայտնում է Caliber.Az-ը՝ վկայակոչելով Պետական վիճակագրական կոմիտեին։

Տեղեկատվության համաձայն՝ նախորդ տարվա նույն ժամանակահատվածի համեմատ նավթագազային հատվածում արտադրությունն աճել է 0,3%-ով, իսկ ոչ նավթագազային հատվածում՝ 7,4%-ով։