Ադրբեջանն ու Իսրայելը քննարկել են տնտեսական և առևտրային կապերի ամրապնդումը ԼՈՒՍԱՆԿԱՐ

Ադրբեջանը քննարկել է Իսրայելի հետ երկկողմ տնտեսական և առևտրային կապերի ամրապնդման հնարավորությունները։

Ինչպես հայտնում է Caliber.Az-ը, այս մասին X սոցիալական ցանցում գրել է էկոնոմիկայի նախարար Միքայիլ Ջաբբարովը։

Նա նշել է, որ Իսրայելի տարածաշրջանային համագործակցության նախարար Դեյվիդ Ամսալեմի հետ հանդիպմանը մտքեր են փոխանակվել օտարերկրյա ներդրողների համար Ադրբեջանում ստեղծված բարենպաստ ներդրումային միջավայրի և մասնավոր հատվածի ներկայացուցիչների միջև համագործակցության զարգացման շուրջ։