ԱԳՆ. Չեխիան ողջունում է Ադրբեջանից գազի մատակարարումների ավելացման հնարավորությունը

Չեխիայի Հանրապետությունը ողջունում է Ադրբեջանից գազի մատակարարումների ավելացման հնարավորությունը։

Այս մասին Caliber.Az-ին հայտնել են Չեխիայի ԱԳՆ-ում։

Գերատեսչությունում նշել են, որ այսօր ԵՄ-ն ակտիվ բանակցություններ է վարում էներգակիրների տարբեր մատակարարների հետ, ինչպիսիք են Նորվեգիան, Ալժիրը, Ադրբեջանը և Նիգերիան։

«Հենց անցյալ շաբաթ ԵՄ էներգետիկայի խորհուրդը որոշակի առաջընթացի հասավ այս հարցում: Մենք ողջունում ենք Ադրբեջանից գազի մատակարարումների ավելացման հնարավորությունը, եթե դա տեխնիկապես իրագործելի է», - նշել են նախարարությունից։

Ներկայում Ադրբեջանից բնական գազը մատակարարվում է միայն ԵՄ հարավային երկրներ, սակայն հենց հիմա ժամանակն է փոխել գազի հոսքերը, քանի որ ԵՄ-ն փոխարինում է կապույտ վառելիքի մատակարարումների 40 տոկոսը, նշել են ԱԳՆ-ում։