Ադրբեջանի և ԱՄՆ-ի միջև ապրանքաշրջանառությունը մոտենում է 800 միլիոն դոլարի

2025 թվականի հունվար-օգոստոս ամիսներին՝ Ադրբեջանի և ԱՄՆ-ի միջև փոխադարձ ապրանքաշրջանառությունը կազմել է 799 միլիոն 581,820 դոլար, ինչը 4.8%-ով ավելի է 2024 թվականի նույն ժամանակահատվածի համեմատ։
 
Ինչպես հաղորդում է Caliber.Az-ը, այս մասին հայտնել է  ​​Մաքսային պետական կոմիտեն։
 
Վիճակագրական տվյալների  համաձայն՝ Ադրբեջանից ԱՄՆ արտահանման ծավալը առաջին ութ ամիսների ընթացքում նվազել է 2.4 անգամ՝ կազմելով 45 միլիոն 231,810 դոլար։ Արտահանման մասնաբաժինը կազմել է 0.27%-ը (2024 թ.  հունվար-օգոստոսին 0.6%)։
 
Միևնույն ժամանակ, ԱՄՆ-ից ներմուծումն աճել է 15.5%-ով՝ հասնելով 754.35 միլիոն դոլարի։ Ներմուծման մասնաբաժինը կազմել է 5.01% (2024 թ. հունվար-օգոստոսին՝ 5.12%)։