Ադրբեջանն ու Ուկրաինան անցկացրել են թարմացված գործարար խորհրդի առցանց նիստ

Ուկրաինան և Ադրբեջանը անցկացրել են թարմացված երկկողմ գործարար խորհրդի առցանց նիստ։

Caliber.Az-ի փոխանցմամբ՝ այս մասին X սոցիալական ցանցի իր էջում հայտնել է Ադրբեջանում Ուկրաինայի դեսպան Յուրի Գուսևը։

«Դեկտեմբերի 9-ին Ուկրաինայի Առևտրաարդյունաբերական պալատը և Ադրբեջանի Փոքր և միջին բիզնեսի զարգացման գործակալությունը (KOBIA) անցկացրել են թարմացված Ուկրաինա-ադրբեջանական գործարար խորհրդի համատեղ առցանց նիստ», - գրել է նա։

Դիվանագետը երախտագիտություն է հայտնել գործընկերներին մշտական աջակցության համար և ընդգծել, որ կողմերը միասին առաջ են տանում առևտուրը, ներդրումները և տնտեսական զարգացման նոր հնարավորությունները։