Ադրբեջանում արդեն կա մոտավորապես 240 000 գործազուրկ

2025 թվականի դեկտեմբերի 1-ի դրությամբ Ադրբեջանում գործազուրկների թիվը կազմել է 239 300 մարդ, ինչը 24 200-ով կամ 11.3%-ով ավելի է նախորդ տարվա նույն ժամանակահատվածի համեմատ։

Ինչպես հաղորդում է Caliber.Az-ը, այս մասին նշված է ԱՀ պետական վիճակագրական կոմիտեի հաղորդագրության մեջ:

«2025 թվականի դեկտեմբերի 1-ի դրությամբ, Զբաղվածության պետական գործակալության տեղական գրասենյակներում գրանցված գործազուրկների թիվը կազմել է 239 300 մարդ, որից 51.5%-ը կանայք են (Caliber.az-ի տվյալներով՝ 2024 թվականի դեկտեմբերի 1-ի դրությամբ այդ ցուցանիշը կազմում էր 47.5%)», - նշվում է Պետական վիճակագրական կոմիտեի զեկույցում։

Ընդ որում, հոկտեմբերի համեմատ, նոյեմբերին գործազուրկների թիվն աճել է 0.6%-ով կամ 1 400 մարդով։

Վիճակագրության համաձայն՝ գործազրկության նպաստի միջին ամսական չափը կազմել է 494.3 մանաթ (2024 թվականի դեկտեմբերի 1-ի դրությամբ՝ 406.8 մանաթ):