Ադրբեջանում կկառուցվ՞են երկրաջերմային էլեկտրակայաններ

Ադրբեջանը մտադիր է իրականացնել երկրաջերմային էներգիայի նախագծեր։

Ինչպես հաղորդում է Caliber.Az-ը, այս մասին հայտարարել է Ադրբեջանի էներգետիկայի նախարարությանը կից Վերականգնվող էներգիայի աղբյուրների պետական գործակալության փոխտնօրեն Ռենա Հումբաթովան։

«Երկրաջերմային էներգիայի զարգացման ազգային ճանապարհային քարտեզի շրջանակներում Ադրբեջանը նախատեսում է իրականացնել փորձնական նախագծեր՝ երկրաջերմային էներգիայի տեխնիկական և տնտեսական կենսունակությունը ցուցադրելու համար։ Այս նախագծերը կներառեն կենտրոնացված ջեռուցման համակարգեր, առկա նավթի և գազի հորերի վերաօգտագործում ջերմության և սահմանափակ էլեկտրաէներգիայի արտադրության համար, ինչպես նաև ուղղակի կիրառություններ գյուղատնտեսության մեջ, մասնավորապես՝ ջերմոցների ջեռուցման համար», - նշել է Հումբաթովան՝ ելույթ ունենալով Համաշխարհային երկրաջերմային դաշինքի տարեկան նիստում՝ Միջազգային վերականգնվող էներգիայի գործակալության (IRENA) 16-րդ վեհաժողովի ժամանակ, որը տեղի է ունեցել Աբու Դաբիում, 2026 թվականի հունվարի 11-12-ը։

Հումբաթովան նշել է, որ Ադրբեջանի սկզբնական երկրաջերմային ներուժը գնահատվում է 571.2 ՄՎտ, իսկ երկրաջերմային էլեկտրաէներգիայի արտադրության ներուժը՝ 57.1 ՄՎտ։

Ինչպես նշվել է Համաշխարհային բանկի ESMAP 2025 ծրագրի շրջանակներում պատրաստված «Ադրբեջանում երկրաջերմային ռեսուրսների ուղղակի օգտագործման ներուժի գնահատում» ճանապարհային քարտեզում, վերլուծվել է գործող օրենսդրությունը, դիտարկվել են երկրաջերմային էներգիայի տեղակայումը արագացնելու համար անհրաժեշտ խթանման մեխանիզմները, ինչպես նաև թույլտվությունների տրամադրման գործընթացի պարզեցման միջազգային փորձը։