Ադրբեջանում միջին ամսական աշխատավարձը բարձրացել է

Ադրբեջանի տնտեսությունում զբաղված աշխատողների միջին ամսական անվանական աշխատավարձը՝ 2024 թվականի հունվար-նոյեմբերին կազմել է 996,8 մանաթ, ինչը 8%-ով բարձր է 2023 թվականի նույն ժամանակահատվածի համեմատ։ 

Ինչպես հայտնում է Caliber.Az-ը՝ վկայակոչելով Պետական վիճակագրական կոմիտեին, ամենաբարձր աշխատավարձը գրանցվել է հանքարդյունաբերության, ֆինանսական և ապահովագրական գործունեության, մասնագիտական, գիտական և տեխնիկական գործունեության, տեղեկատվության և կապի, ինչպես նաև տրանսպորտի և պահեստային ոլորտում։ 

2024 թվականի դեկտեմբերի 1-ի դրությամբ՝ երկրի տնտեսությունում աշխատողների թիվը կազմել է 1 միլիոն 775,3 հազար մարդ, որից 884,4 հազարը զբաղված է պետական հատվածում, 890,9 հազարը՝ մասնավոր հատվածում։

Վարձու աշխատողներից 18.5%-ը զբաղված է առևտրի և տրանսպորտային միջոցների վերանորոգման ոլորտում, 18.5%-ը՝ կրթության, 12.9%-ը՝ արդյունաբերության, 8.5%-ը՝ առողջապահության և սոցիալական ծառայությունների, 6.7%-ը՝ պետական կառավարման և պաշտպանության ոլորտում, սոցիալական ապահովություն, 4.2%՝ տրանսպորտի և պահեստային, 3.9%՝ մասնագիտական, գիտատեխնիկական գործունեության, 3.2%՝ գյուղատնտեսություն, անտառային տնտեսության և ձկնաբուծություն, 2.2%՝ ֆինանսական և ապահովագրական գործունեության, իսկ 15%՝ տնտեսության այլ ոլորտներում։