Ադրբեջանը 2025 թվականին ավելացրել է գազի արտադրությունը

2025 թվականին Ադրբեջանում բնական գազի արտադրության ծավալը կազմել է 51.5 միլիարդ խորանարդ մետր, ինչը 2.4%-ով ավելի է 2024 թվականի նույն ժամանակահատվածի համեմատ։

Ինչպես հաղորդում է Caliber.Az-ը, այս մասին ասված է Էներգետիկայի նախարարության հաղորդագրության մեջ:

Էներգետիկայի նախարարության վերջին տվյալներով՝ հաշվետու ժամանակահատվածում «Ազերի-Չիրագ-Գյունեշլի» (ԱՉԳ) հանքավայրից արդյունահանվել է 14.1 միլիարդ խորանարդ մետր գազ (6%-ով ավելի), «Շահդենիզ» հանքավայրից՝ 27.9 միլիարդ խորանարդ մետր (0.4%-ով ավելի), «Ափշերոն» գազակոնդենսատային հանքավայրից՝ 1.6 միլիարդ խորանարդ մետր (6.7%-ով ավելի), իսկ SOCAR-ին պատկանող հանքավայրերից՝ 7.9 միլիարդ խորանարդ մետր (2.6%-ով ավելի)։

Հաշվետու ժամանակահատվածում արտասահման գազի վաճառքը կազմել է մոտավորապես 25.2 միլիարդ խորանարդ մետր, ինչը հավասար է 2024 թվականի ցուցանիշին։

2025 թվականին Եվրոպային վաճառվել է մոտավորապես 12.8 միլիարդ խորանարդ մետր գազ, Թուրքիային՝ 9.6 միլիարդ խորանարդ մետր, Վրաստանին՝ 2.3 միլիարդ խորանարդ մետր և Սիրիային՝ 0.5 միլիարդ խորանարդ մետր։ Նշենք, որ այս ընթացքում TANAP-ով Թուրքիա է փոխադրվել 5.6 միլիարդ խորանարդ մետր գազ։