Անվանական ՀՆԱ-ով Ադրբեջանը ԱՊՀ-ում 5-րդն է

2024 թվականի արդյունքներով Ադրբեջանը անվանական ՀՆԱ-ով հինգերորդն է ԱՊՀ երկրների շարքում։

Ինչպես հաղորդում է Сaliber.Az-ը՝ հղում անելով ԱՊՀ միջպետական վիճակագրական կոմիտեի հաշվետվությանը, 2024 թվականին Ադրբեջանի անվանական ՀՆԱ-ն կազմել է 74,315 մլրդ ԱՄՆ դոլար (4,1% աճ)։

ԱՊՀ երկրների շարքում անվանական ՀՆԱ-ի ծավալով Ադրբեջանը առաջ է անցել Հայաստանից, Ղրղզստանից, Տաջիկստանից և Մոլդովայից։

2024 թվականի արդյունքներով անվանական ՀՆԱ-ի ԱՊՀ երկրների հնգյակում են Ռուսաստանը՝ 2,16 տրլն դոլար (+4,1%), Ղազախստանը՝ 288,112 մլրդ դոլար (+4,8%), Ուզբեկստանը՝ 114,9 մլրդ դոլար (+6,5%) և Բելառուսը՝ 79,09 մլրդ դոլար (+4%)։

Ադրբեջանին հաջորդում են Հայաստանը՝ $25,8 մլրդ դոլար ցուցանիշով (+5,9%), Ղրղզստանը՝ $17,2 մլրդ (+9%), Տաջիկստանը՝ $13,7 մլրդ (+8,4%) և Մոլդովան՝ $12,9 մլրդ (+0,6%)։