Ասադով. SOCAR-ը 19 միլիարդ դոլար է ներդրել Թուրքիայի տնտեսությունում

Վերջին հինգ տարիների ընթացքում երկրների թիվը, ուր Ադրբեջանը գազ է արտահանում, հասել է 14-ի, դրանցից 10-ը՝ եվրոպական երկրներ են։

Ըստ APA-ի, այս մասին հայտարարել է վարչապետ Ալի Ասադովը՝ ելույթ ունենալով Թուրք-ադրբեջանական համատեղ ներդրումային երկրորդ ֆորումում։

«SOCAR-ը մեր եղբայրական երկրում ամենամեծ օտարերկրյա ներդրողն է, որը 19 միլիարդ դոլար է ներդրել Թուրքիայում։ Այս ներդրումների շրջանակներում ընկերությունը բազմաթիվ ռազմավարական նախագծեր է իրականացրել նավթավերամշակման, նավթաքիմիական արդյունաբերության և բնական գազի ոլորտներում», - նշել է նա։

Ասադովն ընդգծել է, որ 2026 թվականին Ադրբեջանում կկայանա կառավարությունների ղեկավարների/փոխնախագահների երկրորդ հանդիպումը՝ նոր ձևաչափով։

«Բացի այդ, Թյուրքական պետությունների կազմակերպության շրջանակներում նախարարական մակարդակով հետևողականորեն ամրապնդվում է երկխոսությունը արդյունաբերության, գիտության, տեխնոլոգիաների և նորարարության ոլորտներում: Այս ուղղությամբ առաջին հանդիպումը տեղի է ունեցել Ստամբուլում 2024 թվականին, իսկ երկրորդը՝ Բաքվում՝ 2025 թվականին։

Թուրքական ներդրումային հիմնադրամի ստեղծումը ռազմավարական նշանակություն ունի տարածաշրջանում համատեղ ներդրումային նախաձեռնություններին աջակցելու և ֆինանսական գործիքների ընդլայնման առումով», - նշել է վարչապետը։