Ադրբեջանն ու Սերբիան ստորագրել են նախագծերի իրականացման ճանապարհային քարտեզ

Փոքր և միջին ձեռնարկատիրության  զարգացման գործակալությունը (KOBİA) և Սերբիայի զարգացման գործակալությունը ստորագրել են՝ փոխըմբռնման հուշագրի շրջանակներում նախագծերի իրականացման ճանապարհային քարտեզ։.

Ինչպես հայտնում է Report-ը՝ ֆինանսների նախարարությանը հղումով, փաստաթուղթը ստորագրել են՝ KOBİA-ի տնօրենների խորհրդի նախագահ Օրխան Մամեդովը և Սերբիայի զարգացման գործակալության միջազգային համագործակցության  հատվածի տնօրեն Նիկոլա Յանկովիչը՝ երկու երկրների միջև առևտրատնտեսական համագործակցության միջկառավարական հանձնաժողովի 9-րդ նիստում։
 
Նշվել է, որ Ադրբեջանում գործում է ինը սերբական ընկերություն, և ադրբեջանական շինարարական ընկերությունները հաջողությամբ իրականացնում են խոշոր մայրուղիների նախագծեր Սերբիայում։
 
Հանձնաժողովի համանախագահ, ֆինանսների նախարար Սահիլ Բաբաևը ընդգծել է, որ Ադրբեջանը ստեղծել է բարենպաստ պայմաններ բիզնեսի համար։ Նա նշել է Ալյաթ ազատ տնտեսական գոտու ներդրումային ներուժը և Ասիան ու Եվրոպան կապող «Միջին միջանցք» նախագծի շրջանակներում ձևավորվող նոր տրանսպորտային և լոգիստիկ ենթակառուցվածքները։