AzTV-ն կրկին հարվածում է Իրանին «Ադրբեջանն ունի իր կարմիր գծերը» / ՏԵՍԱՆՅՈՒԹ

«Ոչ բոլոր երկրներն են ուրախ Ադրբեջանի հաջողություններով։ Ուստի սկսվում են՝ Հայաստանին լրացասնելու, Ղարաբաղի հայ բնակչության համար կարգավիճակ պահանջելու, իր խարխուլ զենքերը Երևանին հանձնելու, Գաֆանում հապճեպ հյուպատոսություն կառուցելու անհիմն խաղեր։ Խոսքը, բնականաբար, գնում է մեր հարավային հարևանի՝ Իրանի Իսլամական Հանրապետության մասին, որը վերջին շրջանում չի դադարում սպառնալ Ադրբեջանին»։

Ինչպես փոխանցում է Caliber.Az-ը, այդ մասին՝ «Ադրբեջանի հեռուստատեսություն» (AzTV) պետական հեռուստաալիքի ղեկավար Ռովշան Մամեդովը պատմել է կիրակնօրյա հեռարձակման ժամանակ։

Նա նշել է, որ եթե պաշտոնական Թեհրանը աներկբայ ակնարկում է, որ Ադրբեջանին չարժե իր համար գերեզման փորել, ապա պետք է իմանա՝ այդ Ադրբեջանն իր թշնամիներին գերեզմանի խորքում թաղելու շատ հաջող փորձ ունի, ինչը հստակ ցույց տվեց 2020 թվականի աշնանը հաղթական Հայրենական պատերազմի ժամանակ։

Ռ.Մամեդովը հաղորդման մեջ ներկայացրել է կադրեր, որոնք շատ հեգնանքով ցույց են տալիս Իրանի զինված ուժերի փքունությունը և սակավ արդյունավետությունը։

«Ադրբեջանի համար կարմիր գծերը՝ թաքնվելով «ուժեղ տերություն» կարգավիճակի զգացմունքով անհարգալից վերաբերմունք են մեր ժողովրդի, մեր ազգային արժեքների նկատմամբ, մեր երկիրը նվաստացնելու փորձերը, Հայաստանում ահաբեկչության և ռևանշիզմի խրախուսումը և Բաքվի ու Երևանի միջև խաղաղություն հաստատելուն խանգարելու փորձեր։ Մի հատիր այս սահմանները, Իրան, լավ մտածիր։ Եվ մի մոռացիր, որ այս ժողովրդի հոգում, գիտակցության մեջ կա ցավ Թուրքմենչայի և Գյուլիստանի պայմանագրերից, որոնք բաժանեցին եղբայրը եղբորից, բաժանեցին միասնական ադրբեջանական ժողովրդին։ Բայց մենք համբերում ենք, արդեն երկու դար համբերում ենք հանուն տարածաշրջանում խաղաղության և զարգացմանը Մենք համբերում ենք... Իրանի հարձակումները մեր երկրի վրա առաջացնում են, ինչպես ժպիտ, այնպես էլ դառը ափսոսանք»,- ընդգծել է Ռ. Մամեդովը:

Նա նշել է, որ ռազմական արկածախնդրությունները աշխարհում խնդիրներ չեն լուծում։

«Ադրբեջանը երբեք պատերազմ չի ցանկացել և այսօր էլ չի ուզում։ Բայց Իրանը գիտի, թե ինչի են ընդունակ Ադրբեջանն ու ադրբեջանական ժողովուրդը։ Ադրբեջանի հետ սպառնալիքների լեզվով խոսելու փոխարեն, ավելի լավ է, թող Թեհրանը հիշի տարածաշրջանի տարբեր ահաբեկչական խմբավորումներին իր աջակցությունը, շիական գործոնի պեդալահարումը և շիա-սուննի դիմակայության խաղաքարտը, որը հանգեցնում է հարևանների հետ հակամարտությունների։ Հիշի իր ժողովրդի կողմից օտարերկրյա լրատվամիջոցներից և սոցիալական ցանցերից անկախ տեղեկատվություն ստանալու վրա գլոբալ արգելքի մասին, բարքերի ոստիկանության կողմից իրականացվող անօրինությունների մասին, դրա հետևանքով սեպտեմբերի 13-ին Թեհրանում սկսված և այնուհետև ողջ երկիրը ընդգրկած ժողովրդական բողոքի ցույցերի մասին։ Դրանք արդեն դարձել են Իրանի պատմության մեջ ամենամասշտաբայիներ։ Երևանին հովանավորելու և նրա խնդիրները լուծելու փոխարեն, ավելի լավ է զբաղվիր քո ժողովրդի կարիքներով»,- հայտարարել է Ռ. Մամեդովը։

Խոսելով Գաֆանում Իրանի հյուպատոսության մասին՝ նա իրանցիներին հեգնանքով հորդորել է գոնե սպասել շենքի ներկելուն։

«Ինչո՞ւ էիք այդքան շտապում հյուպատոսություն բացել։ Հո նրա համար չէ, որպեսզի փորձել խոցել Բաքվին: Ամո՜թ է։ Նա, ով մեզ հետ ունի ընդհանուր հավատ՝ պետք է դա գործով ցույց տա, նա աչք չի փակի ադրբեջանական քաղաքների հայկական գնդակոծությունների, խաղաղ բնակիչների, անմեղ երեխաների սպանությունների վրա։ Այս բարբարոսությունը շարունակվում է՝ հայերի տեղադրած ականները շարունակում են հավաքել արյունոտ բերքը։ Իսկ ինչո՞ւ են Իրանի իշխանությունները լռում այս մասին՝ ձեւացնում են, որ ոչինչ չեն տեսնում։

Ինչո՞ւ չեն նկատում Հայաստանի ռազմական հանցագործությունները»,- հարցեր է տվել հաղորդավարը։

Բացի այդ, հեռուստաալիքը քննարկել է Իրանի կողմից Երևանին աջակցելուն և իրանական զենքերի վրա հայերի հույսերին ուղղված՝ Ադրբեջանի հետ սահմանին զորավարժություններ անցկացնելու հարցը։