Բաքուն կոչ է արել թյուրքալեզու պետություններին ավելացնել գյուղատնտեսական արտահանումը

Ադրբեջանը կոչ է արել Թյուրքական աշխարհի երկրներին ջանքեր գործադրել գյուղատնտեսական ապրանքների արտահանումը մեծացնելու համար։

Ինչպես հաղորդում է Caliber.Az-ը, այս մասին հայտարարել է Ադրբեջանի գյուղատնտեսության նախարար Մաջնուն Մամեդովը։

«Ագրարային դիվանագիտությունը կարևոր գործիք է համաշխարհային գյուղատնտեսական-սննդային համակարգի առջև ծառացած բազմաթիվ մարտահրավերների և սպառնալիքների հաղթահարման համար։ Անհրաժեշտ է այսուհետ էլ ամրապնդել Թյուրքալեզու պետությունների կազմակերպության (ԹՊԿ) երկրների միջև առևտրային հարաբերությունները և ավելացնել համատեղ ջանքերը՝ մեր երկրները հիմնական գյուղատնտեսական արտադրանքի առաջատար արտահանողների վերածելու համար», - ասել է Մամեդովը Չոլպոն-Աթայում (Ղրղզստան) ԹՊԿ գյուղատնտեսության նախարարների 4-րդ նիստում։