Բաքուն և Աստանան համաձայնագիր են ստորագրել ստորջրյա օպտիկամանրաթելային կապի գծի կառուցման վերաբերյալ

Ադրբեջանի և Ղազախստանի վարչապետներ Ալի Ասադովի և Օլժաս Բեկտենովի միջև մարտի 3-ին Բաքվում կայացած բանակցություններից հետո ստորագրվել են մի շարք երկկողմ համաձայնագրեր՝ ուղղված երկրների միջև համագործակցության զարգացմանը։

Ինչպես հայտնում է Сaliber.Az-ը՝ հղում անելով Ղազախստանի կառավարության մամուլի ծառայությանը, ստորագրված փաստաթղթերի թվում է Ղազախստան-Ադրբեջան երթուղով ստորջրյա օպտիկամանրաթելային կապի գծի նախագծումն ու կառուցումը։

Միջկառավարական բանակցությունների ընթացքում Ադրբեջանի և Ղազախստանի վարչապետները քննարկել են առևտրատնտեսական համագործակցությունը, տրանսպորտային և լոգիստիկ ենթակառուցվածքների զարգացումը, մշակութային և հումանիտար կապերի ամրապնդումը։

2024 թվականին Ղազախստանի և Ադրբեջանի միջև ապրանքաշրջանառությունը կազմել է 533 միլիոն դոլար։