Բաքուն և Աստանան քննարկել են դրամավարկային քաղաքականությունը

Ղազախստանի և Ադրբեջանի կենտրոնական բանկերը փորձի փոխանակում են կատարել դրամավարկային քաղաքականության հարցերի շուրջ։

Trend-ի փոխանցմամբ՝ այս մասին հայտնում է Ղազախստանի Ազգային բանկի մամուլի ծառայությունը։

«Հանդիպում է կայացել Ադրբեջանի Հանրապետության Կենտրոնական բանկի պատվիրակության հետ։ Երկօրյա ծրագրի շրջանակներում մասնակիցները փորձի փոխանակում կատարեցին հաղորդակցության և տեղեկատվական քաղաքականության հարցերի շուրջ»,- ասվում է հաղորդագրության մեջ։

Քննարկվել են նաև դրամավարկային քաղաքականության հիմնական ասպեկտների բացատրման մոտեցումները և կարգավորիչների համար պաշտոնական հաղորդակցման ուղիների մշակման գործիքները: