Բաքվում կկայանա Ադրբեջան-Մոլդովա միջկառավարական հանձնաժողովի 6-րդ նիստը

Ապրիլի 11-ին Բաքվում կկայանա Ադրբեջանի և Մոլդովայի միջև տնտեսական համագործակցության միջկառավարական համատեղ հանձնաժողովի 6-րդ նիստը։

Այս մասին հայտնում է Сaliber.Az-ը՝ վկայակոչելով գյուղատնտեսության նախարարությանը։

Տեղեկատվության համաձայն՝ նախարար Մաջնուն Մամեդովը հանդիպել է Ադրբեջանում Մոլդովայի դեսպան Ալեքսանդր Եսաուլենկոյի հետ։

Մամեդովը հանդիպման մասնակիցներին տեղեկատվություն է տրամադրել գյուղատնտեսության ոլորտին պետական աջակցության մասին՝ նշելով, որ երկու երկրների միջև համագործակցությունը դինամիկ զարգանում է բոլոր ոլորտներում։ Կողմերն ընդգծել են գյուղատնտեսության ոլորտում համագործակցության ընդլայնման իրենց շահագրգռվածությունը։

Հանդիպմանը քննարկվել են իրավական և պայմանագրային բազայի ամրապնդման, գյուղատնտեսական և պարենային ապրանքների առևտրի ընդլայնման, գյուղատնտեսության ոլորտում ժամանակակից տեխնոլոգիաների կիրառման, գիտական հետազոտությունների և փորձի փոխանակման նախագծերի իրականացման, Ադրբեջանի և Մոլդովայի միջև տնտեսական համագործակցության միջկառավարական համատեղ հանձնաժողովի գործունեությունը և այլ հարցեր։