FDI Intelligence վարկանիշ. Ադրբեջանը ներդրումների առումով ամենախոստումնալից երկրների շարքում է

Financial Times խմբի մաս կազմող FDI Intelligence հրատարակությունը հրապարակել է՝ ներդրումների համար ամենահեռանկարային երկրների TOP 10 վարկանիշը, որում Ադրբեջանը զբաղեցրել է 7-րդ տեղը։

Ինչպես հայտնում է Caliber.Az-ը, վարկանիշային աղյուսակը գլխավորել է Կամբոջան, երկրորդ տեղը՝ Ֆիլիպինները, երրորդը՝ Քենիան։

Հետազոտությունն իրականացվել է 50 ամենագրավիչ երկրների մակրոտնտեսական տվյալների և օտարերկրյա ներդրումների կատարողականի գնահատման միջոցով՝ օգտագործելով Արժույթի միջազգային հիմնադրամի և FDi Markets-ի՝ Financial Times օտարերկրյա ներդրումների մոնիտորինգի ծառայության տվյալները:

TOP 10-ում ընդգրկված երկրներին տարբերող հիմնական գործոններն են հանդիսանում՝ տնտեսական կայունությունը, օրենսդրությամբ ստեղծված բարենպաստ ներդրումային միջավայրը, որը կանոնավոր կերպով հարմարվում է համաշխարհային միտումներին, ինչպես նաև այլընտրանքային էներգետիկայի ոլորտի զարգացումը:

Նշենք, որ 2023 թվականին Ադրբեջանի տնտեսության ոչ նավթային հատվածում օտարերկրյա ուղղակի ներդրումների ծավալը կազմել է 2 մլրդ դոլար, ինչը մինչ օրս գրանցված ամենաբարձր ցուցանիշն է։