Համաշխարհային բանկը բարելավել է 2025 թվականի համար Ադրբեջանի տնտեսական աճի կանխատեսումը

Համաշխարհային բանկը վերանայել է Ադրբեջանի տնտեսական աճի իր կանխատեսումը։

Ինչպես հաղորդում է ԱՊԱ-ն, այս մասին տեղեկությունը տեղ է գտել բանկի «Գլոբալ տնտեսական հեռանկարներ» զեկույցի հունվարյան համարում։

Հունիսյան կանխատեսումների համեմատ Համաշխարհային բանկը հունվարին բարելավել է 2025 թվականին Ադրբեջանի տնտեսական աճի կանխատեսումը` այն հասցնելով 2,7%-ի։ Սա 0,3 տոկոսային կետով բարձր է նախորդ կանխատեսումից։

Բանկի վերլուծաբանները 2026 թվականին Ադրբեջանում տնտեսական աճը կանխատեսում են 2,4 տոկոս:

Ադրբեջանի տնտեսական աճը 2024 թվականին կազմել է 4%, ինչը 1,7%-ով գերազանցում է Համաշխարհային բանկի կանխատեսումը։