Հայտնի է դարձել TANAP-ով Եվրոպա և Թուրքիա ադրբեջանական գազի փոխադրման ծավալը

TANAP-ով Թուրքիա և Եվրոպա տեղափոխվող ադրբեջանական գազի ընդհանուր ծավալը հասել է 75 միլիարդ խորանարդ մետրի։

Ինչպես հաղորդում է Report-ը, այս մասին ասվում է սոցիալական ցանցերում TANAP կոնսորցիումի հրապարակած տեսանյութում։

«Մինչ օրս Հարավային գազային միջանցքի առանցքային օղակ հանդիսացող TANAP-ով փոխադրվող գազի ընդհանուր ծավալը մատակարարումների մեկնարկից ի վեր կազմել է 75 միլիարդ խորանարդ մետր: Թուրքիայի և Ադրբեջանի միջև եղբայրության խորհրդանիշ հանդիսացող TANAP-ով գազի մատակարարումները շարունակվում են առանց ընդհատումների»,- ասվում է տեսանյութում։