ՀԲ-ն նախատեսում է Ադրբեջանին հատկացնել մինչև 1,5 միլիարդ դոլար

Համաշխարհային բանկը (ՀԲ) մտադիր է առաջիկա հինգ տարիների ընթացքում Վերակառուցման և զարգացման միջազգային բանկի (ՎԶՄԲ) միջոցով Ադրբեջանին տրամադրել 1 միլիարդից մինչև 1,5 միլիարդ դոլար:

Այս մասին Caliber.Az-ին տեղեկացրել են Համաշխարհային բանկից։

Ֆինանսավորման ծավալը կախված կլինի վարկավորման համաչափությունից։ Ադրբեջանի կառավարության հայցով 2025-2026 ֆինանսական տարիների ՎԶԵԲ-ի նախնական պլանը ներառում է 4-5 նոր նախագիծ: Միջին տարեկան ֆինանսավորումը կկազմի 250-400 մլն ԱՄՆ դոլար: Մասնավորապես, նախատեսվում է միջոցներ հատկացնել հետևյալ նախագծերի համար. զբաղվածության աջակցության նախագծի լրացուցիչ ֆինանսավորման համար՝ 150 մլն ԱՄՆ դոլար, տարածաշրջանային նախագծերի շրջանակներում վերականգնվող էներգիայի աղբյուրների օգտագործման ընդլայնման համար՝ 225 մլն ԱՄՆ դոլար, մրցունակ և կայուն գյուղատնտեսության զարգացման համար՝ ներառյալ ոռոգումը, 400 մլն ԱՄՆ դոլար, Բաքվի զարգացման նախագծի համար՝ 100-ից 300 մլն ԱՄՆ դոլար։