ԿԲ. Ադրբեջանի արժութային պահուստները կազմում են ՀՆԱ-ի ավելի քան 95 տոկոսը

Ադրբեջանի արժութային պահուստները ներկայումս գերազանցում են երկրի ՀՆԱ-ի 95%-ը։

Ինչպես հայտնում է Caliber.Az-ը, այս մասին հայտարարել է Ադրբեջանի Կենտրոնական բանկի ղեկավար Թալեհ Քյազիմովը։

«Ադրբեջանի ռազմավարական արժութային պահուստները կազմել են երկրի ՀՆԱ-ի ավելի քան 95%-ը։ Վերջին 20 տարիների ընթացքում Ադրբեջանի տնտեսությունն աճել է մոտ 3,8 անգամ, այդ թվում՝ ոչ նավթային հատվածը՝ 3,7 անգամ», - երկուշաբթի ասել է Քյազիմովը Համաշխարհային բանկի Գլոբալ զարգացման 2024 թվականի զեկույցին (WDR) նվիրված միջոցառմանը։

Կենտրոնական բանկի ղեկավարի խոսքով՝ 20 տարվա ընթացքում ընդհանուր արտահանումը և ոչ նավթային արտահանումն աճել են համապատասխանաբար 7,8 և 6,3 անգամ, իսկ ներդրումները Ադրբեջանի տնտեսությունում՝ 4,4 անգամ։