ԿԲ ղեկավար. Ադրբեջանի ռազմավարական արտարժույթի պահուստները գերազանցում են 82 միլիարդ դոլարը

Ադրբեջանի ռազմավարական արտարժույթի պահուստները այս տարվա հունվարից հոկտեմբեր աճել են 16.2%-ով՝ հասնելով 82.5 միլիարդ դոլարի։

Report-ի փոխանցմամբ՝ այս մասին հայտարարել է Ադրբեջանի Կենտրոնական բանկի նախագահ Թալեհ Քյազիմովը Միլլի Մեջլիսի տնտեսական քաղաքականության, արդյունաբերության և ձեռներեցության հանձնաժողովում 2026 թվականի պետականբյուջեի նախագծի քննարկման ժամանակ։

ԿԲ նախագահի խոսքով՝ կարգավորողի արտարժույթի պահուստները հոկտեմբերի վերջին կազմել են 11.4 միլիարդ դոլար։

«Ռազմավարական արտարժույթի պահուստները շարունակում են զգալիորեն գերազանցել միջազգային ճանաչում ունեցող ցուցանիշները և ծածկում են ապրանքների և ծառայությունների 37 ամսյա ներմուծումը», - նշել է նա։