Moody's. Ադրբեջանը շահում է ԵՄ-ի գազի բարձր պահանջարկից

Moody's միջազգային վարկանիշային գործակալությունը «Հարավային գազային միջանցք» (SGC) ՓԲԸ-ի պարտքային պարտավորությունների չապահովված առաջնային վարկանիշը հաստատել է Ba1 մակարդակի վրա և փոխել կանխատեսումը կայունից դրականի:

Այս մասին հայտնում է Сaliber.Az-ը՝ հղում անելով Moody's-ին։

«Ադրբեջանը շահում է իր գազի նկատմամբ ԵՄ-ի ավելի մեծ պահանջարկից, որն արտացոլում է դաշինքի ջանքերը՝ դիվերսիֆիկացնելու աղբյուրները և մատակարարման ուղիները՝ ռուսական գազից կախվածությունը նվազեցնելու նպատակով: Վերջին 1-2 տարիների ընթացքում Ադրբեջանը մի շարք համաձայնագրեր է ստորագրել Եվրահանձնաժողովի, ինչպես նաև առանձին եվրոպական տնտեսությունների հետ գազի մատակարարման վերաբերյալ։ Արդյունքում, գազի արդյունահանման և արտահանման ծավալները զգալիորեն ավելացել են 2022 թվականից ի վեր՝ SGC խողովակաշարի հետախուզման և ընդլայնման ծրագրերի հաշվին աճի լրացուցիչ հնարավորություններով։ Ածխաջրածինների ոլորտում գազի մատակարարումների ավելացումը կապահովի նավթից ավանդական կախվածությունից դիվերսիֆիկացում, հատկապես, երբ նավթի արդյունահանումը շարունակում է նվազել՝ նավթի պաշարների սպառման պատճառով», - կարծում են գործակալության վերլուծաբանները: