Պետական ​​գործակալություն. Զբոսաշրջիկները միլիարդներ են ծախսում Ադրբեջանում

2025 թվականի հունվար-նոյեմբեր ամիսներին Ադրբեջանում օտարերկրյա զբոսաշրջիկների կողմից կատարված ծախսերը՝ փոխարկելի արժույթով գերազանցել են 3 միլիարդ մանաթը,  իսկ հունվար-սեպտեմբերին ներքին զբոսաշրջիկների ծախսերը կազմել են 4.5 միլիարդ մանաթ։
 
Ինչպես Report-ին հայտնել է Պետական ​​զբոսաշրջության գործակալության նախագահի խորհրդական Քյանան Գուլուզադեն՝ նախնական գնահատականները ցույց են տալիս, որ տարեվերջին զբոսաշրջիկների ընդհանուր ծախսերը կգերազանցեն 9 միլիարդ մանաթը։ 2026-2030 թվականների պետական ​​զբոսաշրջության զարգացման ծրագրի շրջանակներում մոտ ապագայում սպասվում է կայուն աճ։
 
Նրա խոսքով՝ զբոսաշրջության զարգացման պետական ​​ծախսերի առումով Ադրբեջանը համաշխարհային միջին ցուցանիշ ունի՝ 119 երկրների շարքում 65-րդ տեղը։ Տվյալները հիմնված են՝ Համաշխարհային տնտեսական ֆորումի 2024 թվականի ճանապարհորդությունների և զբոսաշրջության զարգացման ինդեքսի վրա։ «Պետական ​​ծախսերը ճանապարհորդությունների և զբոսաշրջության զարգացման վրա» ցուցանիշը գնահատվում է 7 բալանոց սանդղակով և Ադրբեջանում կազմում է 2.92 բալ,  այն դեպքում, երբ  համաշխարհային միջինը հավասար է 3.5 բալի։ Համեմատության համար, Վրաստանը ստացել է 3.07  բալ (56-րդ տեղ), իսկ Հայաստանը՝ 3.31 (51-րդ տեղ):