Ադրբեջանի 65 քաղաքների գլխավոր հատակագծերը թարմացվել են

Ադրբեջանում մինչ օրս 79 քաղաքներից 65-ի գլխավոր հատակագծերը թարմացվել են, ևս 10 քաղաքների հատակագծերը գտնվում են հաստատման փուլում։
 
Report-ի փոխանցմամբ՝ այս մասին Բաքվում ադրբեջանական առաջին միջազգային ներդրումային ֆորումում (AIIF 2025) հայտարարել է՝ Քաղաքաշինության և ճարտարապետության պետական ​​կոմիտեի նախագահ Անար Գուլիևը։
 
Նա նշել է, որ այս աշխատանքները կատարվում են միջազգային փորձ ունեցող քաղաքաշինության մասնագետների մասնակցությամբ և համապատասխանում են լավագույն համաշխարհային փորձերին։
 
Գուլիևը նշել է, որ այս հատակագծերը կարևոր դեր են խաղում ներդրումային որոշումների ընդունման գործում, նվազեցնում են անորոշությունը, նվազագույնի են հասցնում ներդրողների ռիսկերը և ինտեգրում են առանցքային առաջնահերթությունները. «2018 թվականից ի վեր կիրառվում է տարածական զարգացման ինտեգրված մոտեցում, և սկսվել է գլխավոր հատակագծերի համակարգված մշակումն ու իրականացումը։ Երկրի բոլոր քաղաքներն ու ավանները կառավարվում են 20-ամյա գլխավոր հատակագծերով, որոնք պարբերաբար թարմացվում են՝ ապահովելու համար, որպեսզի դրանք կարողանան հարմարվել փոփոխվող պահանջներին, նոր միտումներին և քաղաքականության առաջնահերթություններին»։