Ադրբեջանն օգտագործել է ՕՊԵԿ-ի քվոտայի գրեթե 84 տոկոսը

Մարտ ամսին Ադրբեջանում կոնդենսատով նավթի օրական արդյունահանումը կազմել է 76,9 հազար տոննա (580 հազար բարել):
 
Ինչպես հաղորդում է Report-ը՝ հղում անելով Ադրբեջանի էներգետիկայի նախարարությանը, նշված ծավալից 62.6 հազար տոննան (462 հազար բարել օրական) կազմել է նավթը, 14.3 հազար տոննան՝ կոնդենսատը (118 հազար բարել օրական):
 
Այսպիսով, Ադրբեջանը մարտ ամսին օգտագործել է ՕՊԵԿ-ի իր քվոտայի 83.8%-ը։
 
Նշենք, որ «ՕՊԵԿ պլյուս»-ի նախարարների 37-րդ նիստում ձեռք բերված համաձայնության համաձայն՝ Ադրբեջանի նավթի արդյունահանման քվոտան 2025 թվականի համար կազմում է օրական 551 հազար բարել (74,259 հազար տոննա):