Ադրբեջանում միջին աշխատավարձը բարձրացել է

2025 թվականի հունվար-փետրվար ամիսներին Ադրբեջանում վարձու աշխատողների միջին անվանական աշխատավարձը կազմել է 1044 մանաթ, ինչը 10,2%-ով ավելի է նախորդ տարվա նույն ժամանակահատվածի համեմատ:
 
Ինչպես հաղորդում է Caliber.Az-ը, այս մասին ասվում է Պետական ​​վիճակագրական կոմիտեի տվյալներում։
 
Ամենաբարձր ցուցանիշները գրանցվել են՝ հանքարդյունաբերության, ֆինանսական և ապահովագրական  հատվածում, տեղեկատվական և հաղորդակցական տեխնոլոգիաների, գիտատեխնիկական գործունեության, ինչպես նաև տրանսպորտի և պահեստավորման ոլորտներում։
 
Մարտի 1-ի դրությամբ երկրի տնտեսությունում զբաղված են եղել 1 միլիոն 758,8 հազար վարձու աշխատողներ: Նրանցից 878.5 հազարը աշխատել է պետական ​​հատվածում, իսկ 880.3 հազարը՝ ոչ պետական հատվածում։ Զբաղվածության ամենամեծ մասը  բաժին է ընկնում կրթության (18.7%), առևտրի և տրանսպորտային միջոցների նորոգման (18.6%), արդյունաբերության (13.7%) և առողջապահության (8.5%) ոլորտներին։