Ադրբեջանում շուրջ 14 միլիոն տոննա նավթ է արդյունահանվել Էներգետիկայի նախարարության օպերատիվ տվյալները

2025 թվականի հունվար-հունիս ամիսներին Ադրբեջանում արդյունահանվել է 13.7 միլիոն տոննա նավթ (ներառյալ գազային կոնդենսատը), ինչը 4.9%-ով պակաս է նախորդ տարվա նույն ժամանակահատվածի համեմատ։
 
Ինչպես հաղորդում է Caliber.Az-ը, այս մասին հայտնում է Էներգետիկայի նախարարությունը։
 
Էներգետիկայի նախարարության օպերատիվ տվյալների համաձայն՝ հաշվետու ժամանակահատվածում Ազերի-Չըրագ-Գյունեշլի (ACG) հանքավայրից արդյունահանվել է 8 միլիոն տոննա նավթ (2.4%-ի նվազում), Շահ Դենիզ հանքավայրից՝ 1.9 միլիոն տոննա գազային կոնդենսատ (9.5%-ի նվազում) և Աբշերոնի գազային կոնդենսատի հանքավայրից 0.3 միլիոն տոննա գազային կոնդենսատ (անփոփոխ)։ SOCAR-ի նավթի արդյումահանումը (ներառյալ գազային կոնդենսատի) կազմել է 3.5 միլիոն տոննա (7.9%-ի նվազում)։
 
Առաջին կիսամյակում արտահանման համար տեղափոխվել է 11.6 միլիոն տոննա նավթ (ներառյալ գազային կոնդենսատի), ինչը 2.5%-ով պակաս է 2024 թվականի նույն ժամանակահատվածի համեմատ: Դրանցից 9.9 միլիոն տոննան  բաժին է ընկել ԱՉԳ և Շահ Դենիզին (3.9%-ով նվազում), 1.4 միլիոն տոննան  բաժին է ընկել SOCAR-ին (12.5%-ով նվազում), իսկ 0.3 միլիոն տոննան՝ Աբշերոնին (անցյալ տարի արտահանում չի իրականացվել):