Ֆարիզ Ալիև. Ադրբեջանը «կանաչ» տրանսպորտի նպատակ ունի

Առաջիկա տարիներին Ադրբեջանը մտադիր է իր տրանսպորտային ոլորտը վերափոխել ավելի էկոլոգիապես մաքուր, խելացի և կայուն համակարգի՝ հիմնված ժամանակակից տեխնոլոգիաների վրա։
 
Report-ի փոխանցմամբ, այս մասին հայտարարել է Թվային զարգացման և տրանսպորտի նախարարության տրանսպորտային քաղաքականության  բաժնի ղեկավար Ֆարիզ Ալիևը՝ Բաքվի կլիմայական գործողությունների շաբաթվա (BCAW2025) ժամանակ։
 
Նրա խոսքով՝ կառավարությունը, մասնավորապես Թվային զարգացման նախարարությունը, բախվում է լուրջ խնդիրների, քանի որ երկիրը հավակնոտ նպատակ է դրել՝ մինչև 2030 թվականը ջերմոցային գազերի արտանետումները կրճատել 35%-ով։
 
«Սա բազմաչափ ոլորտ է, որը պահանջում է տարբեր շահագրգիռ կողմերի կարիքների և սպասումների բավարարում՝ ինչպես ազգային, այնպես էլ միջազգային մակարդակներում։ Կայուն տրանսպորտի անցումը պետք է արագացվի ազգային ջանքերի, բազմակողմանի գործընկերության և ընդլայնված միջազգային համագործակցության միջոցով», - ասել է նա։
 
Ալիևը հավելել է, որ կայունության հայեցակարգը՝ Ադրբեջանի տրանսպորտային ռազմավարության հիմնական հենասյուներից մեկն է։