Ռումինիան և Ադրբեջանը կամրապնդեն տրանսպորտային համագործակցությունը

Ռումինիան և Ադրբեջանը աշխատում են ամրապնդել համագործակցությունը տրանսպորտի ոլորտում։

Այս մասին ասել է Ադրբեջանում Ռումինիայի դեսպան Վասիլե Սոարեն՝ իր երկրի Ազգային տոնի առթիվ կազմակերպված ընդունելության ժամանակ։
 
Դիվանագետն ընդգծել է, որ Միջին միջանցքը Եվրոպան Ասիայի հետ կապող առանցքային ուղի է, իսկ Բաքվի և Կոնստանցայի նավահանգիստները կարևոր աշխարհագրական հանգույցների դեր են խաղում։
 
Սոարեն նշել է երկրների միջև առևտրատնտեսական համագործակցության զգալի առաջընթացը։ Նա նաև ընդգծել է, որ 2022 թվականից Ռումինիան և Ադրբեջանը հաջողությամբ աշխատում են խոշոր էներգետիկ նախագծի՝ Black Sea Energy կանաչ էներգետիկ միջանցքի իրականացման վրա, որը կամրապնդի Կենտրոնական և Արևելյան Եվրոպայի էներգետիկ անվտանգությունը։