Սթիվ Դեյնս. Ադրբեջանն ու Հայաստանը ընտրել են անկախ ապագա՝ ԱՄՆ-ի հետ գործընկերության պայմաններում

Վաշինգտոնում տեղի է ունեցել՝ «Միացյալ Նահանգները Հարավային Կովկասում. նոր ռազմավարական հնարավորությունների բացահայտում» խորագրով համաժողով, որը կազմակերպվել է Հադսոնի ինստիտուտի կողմից։
 
AZERTAC-ի տվյալներով՝ համաժողովը  նվիրված էր՝ ԱՄՆ միջնորդությամբ Վաշինգտոնում ստորագրված Հայաստանի և Ադրբեջանի միջև կնքված համաձայնագրին, ինչպես նաև տարածաշրջանային գործընթացներին։ Համաժողովին մասնակցել են առաջատար ամերիկացի փորձագետներ և պաշտոնյատար անձինք։
 
Համաժողովում ելույթ ունենալով՝ Հադսոնի ինստիտուտի Մերձավոր Արևելքի խաղաղության և անվտանգության կենտրոնի տնօրեն Մայք Դորանն ասել է, որ օգոստոսի 8-ի Սպիտակ տանը կայացած հանդիպումը ցուցադրել է՝  ոչ միայն երկարատև խաղաղության հասնելու հնարավորությունը հակամարտություններով լի տարածաշրջանում, այլև նոր հնարավորությունների ի հայտ գալը Միացյալ Նահանգների համար։
 
Հետագայում ԱՄՆ Սենատի արտաքին հարաբերությունների հանձնաժողովի անդամ Սթիվ Դեյնսը նշել է, որ խաղաղության համաձայնագիրը հնարավոր է դարձել, երբ Թրամփի վարչակազմը Հարավային Կովկասում խաղաղության հասնելը դարձրել է առաջնահերթություն։ Նրա խոսքով՝ և՛ Հայաստանը, և՛ Ադրբեջանը ընտրել են անկախ ապագա՝ Միացյալ Նահանգների հետ եզակի գործընկերությամբ։ Միացյալ Նահանգները կոնկրետ ներդրումներ է կատարում տարածաշրջանային խաղաղության մեջ, ինչը օգուտ կբերի բոլոր երկրներին։