Ուղիղ թռիչքներ Պակիստանից Բաքու. նոր հորիզոններ առևտրի և զբոսաշրջության համար

Պակիստանի միջազգային ավիաուղիները (PIA) նախօրեին հայտարարել են, ապրիլի 20-ից՝ դեպի Բաքու ուղիղ չվերթներ սկսվելու մասին, քանի որ երկու երկրները ձգտում են խորացնել ռազմավարական համագործակցությունը՝ առևտրի, էներգետիկայի, պաշտպանության և տարածաշրջանային կապերի ոլորտներում:
 
Այս մասին հայտնում է Caliber.Az-ը՝ հղում անելով սաուդյան Arab News թերթին։
 
Բաքուն և Իսլամաբադը զարգացնում են երկկողմ համագործակցությունը, ընդ որում Պակիստանն առաջարկում է Ադրբեջանին և Կենտրոնական Ասիայի մյուս երկրներին՝ մուտք գործել իր Գվադար և Կարաչի նավահանգիստներ:
 
Ի պատասխան՝ Ադրբեջանը փետրվարին վարչապետ Շահբազ Շարիֆի Բաքու կատարած այցի ժամանակ հայտարարեց՝ Պակիստանի հանքարդյունաբերության, էներգետիկայի և ենթակառուցվածքների ոլորտներում 2 միլիարդ դոլարի ներդրման ծրագրերի մասին։
 
Պակիստանի միջազգային ավիաուղիները (PIA) Կարաչիում հատուկ արարողության ժամանակ հայտարարել են նոր ծառայության մասին՝ ի պատիվ տուրիստական ​​գործակալների և տուրօպերատորների, ովքեր տեղեկացվել են նոր երթուղու մասին:
 
«PIA»-ն շաբաթական երկու չվերթ կիրականացնի Լահորից»,- ասվում է ավիաընկերության հայտարարության մեջ՝ հավելելով, որ «չվերթները Բաքու կիրականացվեն կիրակի և չորեքշաբթի օրերին»: