«The Economist»-ը կանխատեսում է կայուն տնտեսական աճ Ադրբեջանում

«The Economist» խմբի վերլուծական ստորաբաժանումը՝ «Economist Intelligence Unit»-ը (EIU), բարելավել է Ադրբեջանի տնտեսական աճի իր կանխատեսումը։
 
APA-ի հաղորդմամբ, EIU-ն՝ 2025-2029 թվականներին երկրում կանխատեսում է կայուն տնտեսական աճ։
 
Թարմացված կանխատեսման համաձայն՝ իրական ՀՆԱ-ն 2025 թվականին կաճի 3.4%-ով (նախկինում կանխատեսվում էր 2.9%), 2026 թվականին՝ 3.1%-ով (նախկինում կանխատեսվում էր 2.9%), 2027 թվականին կմնա 3.1%-ի մակարդակին, 2028 թվականին կհասնի 3.2%-ի, իսկ 2029 թվականին տնտեսական աճը կանխատեսվում է  3.5%-ի մակարդակով։
 
Անվանական ՀՆԱ-ն կանխատեսվում է հետևյալ կերպ՝ 2025 թվական՝ 145.4 միլիարդ մանաթ, 2026 թվական՝ 154.6 միլիարդ մանաթ, 2027 թվական՝ 174.6 միլիարդ մանաթ, 2028 թվական՝ 192.0 միլիարդ մանաթ, 2029 թվական՝ 212.6 միլիարդ մանաթ։