2024 թվականին ադրբեջանական ոչ նավթային արտադրանք ներկրող ԹՈՓ 5 երկրները

2024 թվականին Ռուսաստանն Ադրբեջանից ոչ նավթային արտադրանքի առաջատար գնորդն էր։
 
Ինչպես տեղեկացնում է Caliber.Az-ը, այս մասին հայտնում է՝ Տնտեսական բարեփոխումների և հաղորդակցության վերլուծության կենտրոնը՝ ամենամսյա «Արտահանման ակնարկ»-ում։
 
Անցյալ տարի Ադրբեջանը Ռուսաստան է արտահանել 1 մլրդ 162 մլն ԱՄՆ դոլարի ոչ նավթային արտադրանք, ինչը 4,3 տոկոսով ավելի է 2023 թվականի ցուցանիշից։
 
Թուրքիա Ադրբեջանից ոչ նավթային արտադրանքի ներմուծման ծավալով երկրորդ տեղում է, հաշվետու ժամանակահատվածում արտահանման ծավալը կրճատվել է 30,8%-ով՝ հասնելով 542,3 մլն ԱՄՆ դոլարի։
 
Երրորդ տեղը զբաղեցնում է Վրաստանը, որը Ադրբեջանից ներմուծել է 272,7 մլն ԱՄՆ դոլարի ոչ նավթային արտադրանք (18 տոկոս նվազում)։
 
Շվեյցարիան և ԱՄՆ-ը զբաղեցրել են 4-րդ և 5-րդ տեղերը։ Ադրբեջանից այդ երկրներ ոչ նավթային արտադրանքի ծավալը համապատասխանաբար կազմել է 220,4 մլն դոլար (աճը՝ 25,7%) և 134,7 մլն դոլար (աճը՝ 8 անգամ)։