2025 թվականին Ադրբեջանում ֆերմերներին կատարված ապահովագրական վճարումները գերազանցել են ինը միլիոնը

Ադրբեջանում 2025 թվականին երկրի տարբեր շրջաններում գործող գյուղատնտեսական ձեռնարկություններին կատարվել է 9.147 միլիոն մանաթ ապահովագրական վճարում, ինչը 2024 թվականի համեմատ՝ աճել է 2.7 միլիոն մանաթով կամ 43%-ով։
 
Caliber.Az-ի փոխանցմամբ՝ այս մասին հայտնել են Գյուղատնտեսության նախարարությունից։
 
2025 թվականին կատարված ապահովագրական վճարումներից 8.753 միլիոն մանաթը տրամադրվել է  բուսաբուծության ոլորտին, իսկ 394,000 մանաթը՝ անասնապահությանը։
 
Վճարումների մեծ մասը կատարվել է դեղձի, նեկտարինի և նշի այգիների, ինչպես նաև հացահատիկի, եգիպտացորենի և այլ մշակաբույսերի համար։
 
Ընդհանուր առմամբ, 2020 թվականին իր գործունեությունը սկսած Գյուղատնտեսական ապահովագրության հիմնադրամը մինչ օրս կատարել է 22,6 միլիոն մանաթի ապահովագրական վճարումներ՝ 2021 թվականին՝ 200 հազար մանաթ, 2022 թվականին՝ 2,4 միլիոն մանաթ, 2023 թվականին՝ 4,4 միլիոն մանաթ և 2024 թվականին՝ 6,4 միլիոն մանաթ։