ACWA Power-ի տնօրեն. Ադրբեջանը կդառնա «կանաչ էներգիայի» հանգույց Եվրոպայի և այլ տարածաշրջանների համար

Ադրբեջանը՝ զարգացած էներգետիկ համակարգով և հզորությունների ընդլայնման զգալի ներուժ ունեցող կարևոր երկրներից  մեկն  է, ինչը այն դարձնում է «կանաչ էներգիայի»  հանգույց ինչպես Եվրոպայի, այնպես էլ  այլ տարածաշրջանների համար։
 
Report-ի փոխանցմամբ, այս մասին հայտարարել է ACWA Power-ի գործադիր տնօրեն Մուհամմադ Աբունայիանը՝ AnewZ հեռուստաալիքին տված հարցազրույցում։
 
Նրա խոսքով՝ ընկերության հետաքրքրությունը ներառում է ոչ միայն Ադրբեջանը, այլ նաև  ավելի լայն տարածաշրջան, որն ապագայում  կարող է ձևավորվել, որպես «կանաչ էներգիայի» կենտրոն։
 
«Հատկապես դրա համար էլ ACWA Power-ը մտադիր է այստեղ զարգացնել արևային և քամու էներգիան, էներգիայի կուտակման համակարգերը, «կանաչ ջրածնի» նախագծերը և ջրի աղազրկումը, ինչն արդեն արտացոլվում է մեր վերջին նախագծերում», - նշել է նա։
 
Մ. Աբունայիանը շնորհակալություն է հայտնել Ադրբեջանի նախագահ Իլհամ Ալիևին՝ ռազմավարական տեսլականի և առաջնորդության համար՝ ընդգծելով, որ 240 ՄՎտ հզորությամբ Խըզը-Աբշերոն հողմային էլեկտրակայանի պաշտոնական բացման արարողությունը դարձավ՝ որպես խոշորածավալ «կանաչ» նախագծերի հաջող ինտեգրման հստակ օրինակ։
 
«Նրա տեսլականի և իրական առաջնորդության շնորհիվ մենք կարողացանք իրականացնել այս լայնածավալ նախագիծը», - ընդգծել է ընկերության գործադիր տնօրենը։