Ադրբեջանական և եթովպական ներդրումային հոլդինգները փոխըմբռնման հուշագիր են ստորագրել

Ադիս Աբեբայում Ադրբեջանի ներդրումային հոլդինգի (AİH) և Եթովպիայի ներդրումային հոլդինգի (EIH) միջև ստորագրվել է փոխըմբռնման հուշագիր՝ ռազմավարական համագործակցությունը զարգացնելու նպատակով։
 
Ինչպես հաղորդում է Caliber.Az-ը՝ Ադրբեջանի  տնտեսության նախարարությանը հղումով, փաստաթուղթը ստորագրել են՝ Եթովպիայի ներդրումային գլխավոր տնօրեն դոկտոր Բրուք Թայեն և Ադրբեջանի ներդրումային հոլդինգի գլխավոր տնօրեն Ռուսլան Ալիխանովը։
 
Հուշագրի նպատակն է՝ կողմերի միջև համագործակցության շրջանակ ստեղծել առանցքային ոլորտներում, ինչպիսիք են գիտելիքների, փորձի և տեխնոլոգիաների փոխանակումը, ինչպես նաև համատեղ ներդրումային նախաձեռնությունները:
 
Բրուք Թայեն ընդգծել է գործընկերության կարևորությունը՝ ստորագրված փաստաթուղթը համարելով կարևոր քայլ Եթովպիայի և Ադրբեջանի միջև տնտեսական կապերի ամրապնդման ուղղությամբ։ Նա նշել է, որ դա ամուր հիմքեր կստեղծի արդյունավետ համագործակցության համար այն ոլորտներում, որոնք աջակցում են կայուն տնտեսական աճին՝ օգտագործելով ներդրումների կառավարման փոխադարձ փորձը:
 
Ռուսլան Ալիխանովը նույնպես նշել է գործընկերության կարևորությունը և ընդգծել երկու կազմակերպությունների միջև համագործակցության ներուժը։ Նրա խոսքով, փաստաթուղթը նոր հնարավորություններ կբացի՝ գիտելիքի փոխանցման, տեխնոլոգիական զարգացումների իրականացման և պետական ​​ձեռնարկությունների արդյունավետության բարձրացմանն ուղղված համատեղ նախաձեռնությունների իրականացման համար: